Topic outline

    • . Page

       

      Սկսել դասընթացը 

      Դասընթացի մասին

      Հայաստանում տուրիզմի զարգացմանը զուգահեռ աճում է հմուտ զբոսավարների պահանջարկը: «ԿԱԶԱ» շվեյցարական մարդասիրական հիմնադրամն իրականացնում է «Զբոսավարների պատրաստում» դասընթացը, որը նախատեսված է բոլոր նրանց համար, ովքեր տիրապետում են որևէ օտար լեզվի և ցանկանում են ձեռք բերել զբոսավարին անհրաժեշտ գիտելիք և հմտություններ:

      Դասընթացը հնարավորություն կտա այն անձանց ովքեր աշխատում են, սովորում և կամ ապրում մարզերում, մասնագիտանալ զբոսաշրջության մեջ՝ առաջարկվող առարկաներն ուսումնասիրելով տնից կամ աշխատավայրից:

      Դասընթացի առկա հանդիպումները և այցելությունները տեսարժան վայրեր կամ թանգարաններ կնպաստեն ուսումնասիրվող առարկաների ամրապնդմանը գործնական մեթոդների միջոցով:

      Յուրաքանչյուր մասնակից կունենա անհատական հանդիպումներ (մենթորինգ) հմուտ զբոսավարի հետ՝ ապագա մասնագիտությունում ավելի լավ կողմնորոշվելու համար:

      Դասընթացի ֆորմատ

      Դասընթացի տևողությունն է՝ 6 ամիս։ Դասընթացի հիմնական մասը կազմված է առցանց ուսուցողական նյութերից, կան նաև լսարանային առկա հանդիպումներ և գործնական առաջադրանքներ: 

      Դասընթացը վարում են պատմության, աշխարհագրության, ճարտարապետության, արվեստի, մշակույթի և այլ ոլորտների բարձրակարգ մասնագետներ, ինչպես նաև հմուտ զբոսավարներ:

      Դասընթացն ավարտած անձանց կտրամադրվի մասնակցության վկայական: Լավագույն մասնակիցներին հիմնադրամը կաջակցի աշխատանքի տեղավորման հարցում:


      Մասնակցության       պայմաններ

      • որևէ օտար լեզվի իմացություն
      • համակարգչային տարրական գիտելիքներ


      Զբաղվածություն՝       շաբաթական 7-9 ժամ

      Տևողություն՝ 6 ամիս

      Լեզու՝ հայերեն

      Արժեք՝ ամսական 20.000 ՀՀԴ