• Սոցիալական ձեռնարկատիրության խորացված առցանց դասընթաց

    logo

    ԲԱՐԻ ԳԱԼՈՒՍՏ

    Սոցիալական ձեռնարկատիրության խորացված առցանց դասընթաց 

    Ուրախ ենք, որ միացել եք մեզ այս կրթական ճանապարհին, որը լի է լինելու բազմաթիվ նոր գիտելիքներով և գործնական հմտություններով, շփումներով, քննարկումներով, կառուցողական քննադատությամբ, փոխօգնությամբ, անձնային և մասնագիտական աճով, մարտահրավերներով և հնարավորություններով:

    Դասընթացը սկսելու համար առաջարկում ենք Ձեզ նախ ավելի հանգամանալից ծանոթանալ դասընթացին*: Մասնավորապես ուսումնասիրել Դասընթացի ներածություն բաժնի նյութերը (դասընթացի նկարագրություն, թեմատիկ ծածկույթ,  փորձագետներ, էլ. հարթակ և դրանում առկա ուսումնական գործիքարան): 

    Նյութերն ուսումնասիրելուց հետո, հրավիրում ենք Ձեզ սկսել ուսուցանումը ներածությունից և «ՍՁ հասկացությունը» ուսուցողական առաջին բաժնից:

    Առցանց ուսուցման մեր դասընթացի մեթոդաբանությամբ՝ դուք ինքներդ եք ծրագրում և որոշում ուսուցման ժամանակացույցը: 

    Հարթակում աշխատելու հետ կապված հարցերը խնդրում ենք  ներկայացնել Տեխնիկական հարցերի ֆորումում:

    Եվս մեկ առաջարկ՝ Սոցիալական ձեռնարկատիրության հետ կապված ամենատարբեր հարցեր ու հնարավորություններ մենք ներկայացնում ենք և քննարկում Ֆեյսբուքյան մեր էջում, որին հրավիրում ենք միանալ նաև ձեզ:

    Տեսաբաններն ասում են, որ Սոցիալական ձեռնարկատիրությունը ավանդական բիզնեսի և հասարակական կազմակերպությունների ու կառույցների ապագան է լինելու, ուստի հրավիրում ենք ձեզ դառնալ այդ ոլորտում առաջամարտիկ ու ընդառաջ գնալ զարգացմանը: 

    Ձեզ մաղթում ենք բովանդակալից, հարուստ, բացահայտումներով լի կրթական ճամփորդություն:


    * Դասընթացը մշակվել է 2016 թվականին
     

     

  • Դասընթացի ներածություն

    Այս բաժնում ծանոթացեք դասընթացի կառուցվածքին, այն պատրաստող փորձագետներին և ուսումնական հարթակից օգտվելու քայլերին:

    • Դասընթացի մասին

    • Դասընթացի նկարագրություն File

       Այս ենթաբաժինը ձեզ առավել մանրամասն կներկայացնի Սոցիալական Ձեռնարկատիրություն դասընթացը:

    • Դասընթացի թեմատիկ ծածկույթ File

      Այս ենթաբաժնում կարող եք ծանոթանալ, թե ինչ թեմաներից  է բաղկացած դասընթացը, և որոնք են դրանց նպատակներն ու խնդիրները, ինչպես նաև կիմանաք, թե ինչպիսի գիտելիքներ և հմտություններ ձեռք կբերեք դասընթացի ավարտին:

    • Փորձագետների մասին

    • Փորձագետներ File

      Այս ենթաբաժնում կարող եք ծանոթանալ դասընթացը վարող և/կամ պատրաստող փորձագետներին:

    • Ինչպես օգտվել հարթակից

    • Ինչպես օգտվել էլ. հարթակից File

      Այստեղ կգտնեք հարթակից օգտվելու համար անհրաժեշտ քայլերի նկարագրությունը:

  • ՍՁ հասկացությունը

    Բարի գալուստ Սոցիալական ձեռնարկատիրության դասընթացի առաջին ուսուցողական բաժին

    Այս բաժնում կարող եք գտնել նյութեր, որոնք պատմում են, թե ինչպես կարելի է նկարագրել սոցիալական ձեռնարկատիրությունը՝ բերելով հասկացության տարբեր սահմանումներ, որոնք գիտնականները փորձել են ձևակերպել տարիների ընթացքում:

    ՍՁ հասկացության սահմանումներին անդրադառնալուց հետո ձեզ կներկայացնենք ոլորտի զարգացման համառոտ պատմական ակնարկը:

    Հաջորդ քայլը կլինի ուսումնասիրել, թե ինչն է ՍՁ-ն տարբերակում այլ հարակից նախաձեռնություններից:

    Այս բաժնի առաջադրանքներն են՝

    - ծանոթանալ ներկայացված տեսական նյութերին և դիտել ուսուցողական տեսանյութերը,

    - հարցաշարի միջոցով ստուգել ստացված գիտելիքները և բաց թողնված կարևոր հարցերը ևս մեկ անգամ ուսումնասիրել:

    Սիրով հրավիրում ենք ձեզ սկսել դասընթացը:

     

    Ինչո՞ւ զբաղվել սոցիալական ձեռնարկատիրությամբ

    • 1. Ներածություն և սահմանումներ 

    • Սոցիալական ձեռնարկատիրության ներածություն


    • ՍՁ ստեղծելու հիմնական նախապայմանները

      Ձեռնարկատիրություն և սոցիալական ձեռնարկատիրություն, ձեռնարկատեր և սոցիալական ձեռնարկատեր. ո՞րն է տարբերությունը: Ի՞նչ է իրենից ներկայացնում սոցիալական ձեռնարկատիրությունը, ի՞նչ արժեքներ են ընկած դրա հիմքում և ի՞նչ խնդիրներ է այն փորձում լուծել: Ո՞րոնք են այն հիմնական նախապայմանները, բազային գիտելիքներն ու հմտությունները, որ անհրաժեշտ են սոցիալական ձեռնարկատիրություն սկսելու համար:

      Այս հարցերի պատասխանները կգտնեք տեսանյութում:


    • Ո՞վ է սոցիալական ձեռներեցը: Սահմանումներ և սահմաններ (Սամեր Աբու-Սայֆան) Book

      Ձեռներեցությանը նվիրված գրականության մեջ կարևորություն ձեռք բերելու համար սոցիալական ձեռներեցությանը պետք է հստակ սահմանում և տեսական հիմնավորում, որը կապ կստեղծի ձեռներեցության տեսության հետ: Սույն հոդվածը սոցիալական ձեռներեցության սահմանման գործում հիմնվում է առկա գրականության վրա, անդրադառնում է սոցիալական ուղղվածություն ունեցող ձեռնարկատիրական գործունեության սահմաններին և որոշում է սոցիալական ձեռներեցի տեղը ձեռներեցության տիրույթում:  

    • Համայնքահեն սոցիալական ձեռնարկություններ Book

      Այստեղ կներկայացնենք սոցիալական ձեռներեցության զարգացումը համայնքի զարգացման համատեքստում և այն հաջողված ձևաչափերը, որոնք ձևավորվել և զարգացել են տարիների ընթացքում՝ մասնավորապես Արևմտյան Եվրոպայում և ԱՄՆ-ում։ Այս մոտեցումների գլխավոր առավելությունն այն է, որ դրանք ձգտում են ինտեգրել և համադրել սոցիալական խնդիրների լուծմանն ուղղված տարբեր մոտեցումները՝ օգտագործելով համայնքի ներուժը, պետական ներդրումային ռեսուրսները, ինչպես նաև՝ ակտիվացնելով գործարար տիրույթում առկա հնարավորությունները։

    • 2. Պատմական ակնարկ 


    • 3. ՍՁ արժեքային հենք

    • Արժեքային հենք Book

      Մեր ձգտումներն ու արարքները, վարքն ու հույզերը, դրսևորումներն ու մտահաղացումները կախված են մեր արժեքներից՝ թե ինչին ենք մենք դավանում և ինչով ենք առաջնորդվում: Հենց այս պատճառով էլ ցանկացած ոլորտի դիտարկում անհրաժեշտ է սկսել նախ և առաջ իր արժեքային հենքի և սեփական (անձի կամ հասարակության մակարդակում) արժեքային համակարգի համադրմամբ:

    • 4. ՍՁ և հարակից հասկացություններ 


    • Ինքնաստուգման հարցաշար


    • Լրացուցիչ ուսուցողական նյութեր

    • Ընթերցանության նյութեր Folder

      Այս բաժնում կարող եք գտնել հավելյալ նյութեր սոցիալական ձեռնարկատիրության մասին: Դրանցից առաջիններն են Բրիտանական Խորհրդի կողմից տպագրված «Սոցիալական ձեռնարկատիրության ձեռնարկ Հայաստանի համար», որը գործնական ուղեցույց է և ներառում է կարևոր տեղեկատվություն, որը պետք է իմանա յուրաքանչյուր սոցիալական ձեռնարկատեր՝ իր գործունեությունն սկսելիս, ինչպես նաև Բրիտանական Խորհրդի կողմից իրականացված «Սոցիալական ձեռնարկությունների քարտեզագրում» ուսումնասիրությունը, որը դիտարկում է Դիլիջան և Եղեգնաձոր քաղաքների օրինակները: 

  • Ստարտափ գաղափարի մշակում

    Բաժինը ներկայացնում է սոցիալական ձեռնարկատիրությունը` որպես սոցիալական փոփոխության հասնելու միջոց: Այստեղ տեղադրված նյութերը ձեզ կօգնեն հասկանալ, թե ինչպես առաջնորդվել Կայուն զարգացման նպատակներով, որպեսզի հասնել սոցիալական փոփոխության, ինչպես գնահատել համայնքի կարիքները` օգտագործելով մարդակենտրոն նախագծումը, և վերջապես կապահովեն այն գործիքներով, որոնք կօգնեն ձեզ լուծումներ առաջարկել այդ կարիքների բավարարման համար:

    • 1. ՍՁ-ն գլոբալ համատեքստում. կարիքներ և միտումներ 

    • Սոցիալական ձեռներեցները, որպես աղքատության վերացման դերակատար. Հազարամյակի զարգացման նպատակներ Book

      Պատկերացրեք, թե ինչ երկարաժամկետ համակարգային փոփոխության կարելի էր հասնել, եթե բոլոր բնագավառների սոցիալական ձեռներեցները, գիտական ձեռնարկատերերը,  կառավարական կամ կրոնական հիմնարկությունները և մարդասիրական հիմնադրամները, օգտագործելով կայուն զարգացման նպատակները, համագործակցեին՝ ավելացնելու պատվաստում ստացած երեխաների քանակը, կրթություն ստացած երիտասարդների թիվը, նորաստեղծ աշխատատեղերը, հզորացնելու կանանց և փոքրամասնություններին: Այս բաժինը քննելու է Հազարամյակի Զարգացման Նպատակների և այժմյան Կայուն Զարգացման Նպատակների դերը հասարակության ամենաանզիջում  խնդիրներին անդրադառնալու գործում:


    • 2. Համայնքի քարտեզագրում և մարդակենտրոն նախագծում

      Սոցիալական ձեռնարկատիրական գործունեության հիմնական թիրախ են հանդիսանում խոցելի համայնքներն ու խմբերը, բնակչության անապահով շերտերը և այն տարածաշրջանները, որտեղ ռեսուրսները սակավ են և որտեղ կարիք կա լրացուցիչ աջակցության։ Այստեղ սոցիալական ձեռնարակատիրությունը կարող է կայուն և շարունակական հնարավորություններ և միջոցներ ստեղծել համայնքային խնդիրների լուծման համար, ստեղծել լրացուցիչ աշխատատեղեր, մշակել և մատուցել բազմազան ծառայություններ, իրականացնել ուսուցողական և վերապատրաստման դասընթացներ, ինչպես նաև ծավալել այլ գործունեություն, որ հանգեցնում են դրական սոցիալական փոփոխությունների։
      Այս նպատակներով, սկզբունքներով, մեթոդներով աշխատելու և առաջնորդվելու համար բացառիկ անհրաժեշտ և օգտակար է ամենայն մանրամասնությամբ ուսումնասիրել և ճանաչել սեփական համայնքը, կամ այն համայնքը, որտեղ դուք գործունեություն եք ծավալելու: Սա նշանակում է իմանալ՝ ինչով է ապրում համայնքը, ինչ խնդիրներ ունի, ինչ հնարավորություններ և ռեսուրսներ, ինչ դժվարությունների առջև է կանգնած, ինչ ներքին մշակույթ ունի, ինչպես է տեսնում իր խնդիրների լուծումը, և այլն:
      Սույն ենթաբաժնում ձեզ տրվում է հնարավորություն ծանոթանալու համայնքի քարտեզագրման և մարդակենտրոն նախագծման առանձնահատկություններին,  ձեռք  բերել անհրաժեշտ  գիտելիքներ  և  գործիքներ՝  զարգացնելու  համայնքային  կարիքների գնահատման  ունակությունները: 


    • Համայնքի քարտեզագրում Book

      Եթե ցանկանում եք համայնքում փոփոխություններ իրականացնել (օր.՝ համայնքի զարգացման ծրագրի միջոցով), համայնքի քարտեզագրումը դրա ամենակարևոր նախապայմաններից է: Այստեղ կգտնեք, թե ինչ է իրենից ներկայացնում համայնքի քարտեզագրումը և թե ինչպես այն իրականացնել:

    • 3. Սոցիալական ազդեցություն

      Յուրաքանչյուր սոցիալական ձեռնարկատիրոջ անհրաժեշտ է իրականացնել սոցիալական ազդեցության գնահատում՝ պարզելու համար, թե մարդկանց կյանքում ինչպիսի փոփոխությունների է հանգեցրել իր ձեռնարկատիրական գործունեությունը: Սույն ենթաբաժնում կխոսվի այն մասին, թե ինչ է իրենից ներկայացնում սոցիալական ազդեցությունը, ինչպես է տեղի ունենում դրա գնահատման գործընթացը, ինչպիսի մոտեցումներ և գործիքներ կարող են կիրառել սկսնակ ձեռնարկատերերը՝ իրենց ձեռնարկների ազդեցության գնահատում իրականացնելու համար:

    • Սոցիալական ազդեցության գնահատում Book

      Ազդեցության գնահատումը ծրագրի կամ ձեռնարկի իրականացնողների համար անհրաժեշտ է, որպեսզի նրանք փաստերի հիման վրա կարողանան տեսնել՝ ինչպիսի փոփոխություն է տեղի ունեցել մարդկանց կյանքում, ում կյանքի որակի բարելավմանն ուղղված է իրենց ձեռնարկը, և փաստերով ցուցադրել, որ իրենց նպատակաուղղված ջանքերը բերել է այս կամ այն արդյունքին։ 

    • 4. Ստեղծարարություն, նորարարություն, ձեռներեցություն

      Սույն ենթաբաժնում ներկայացվում է նորարարության, ստեղծարարության դերը համայնքային, տնտեսական, անձնական զարգացումների մեջ և ստեղծարար մոտեցումների կարիքն ու ազդեցությունը հասարակության առջև կանգնած խնդիրների լուծման համատեքստում: Այս ենթաբաժինը ձեզ հնարավորություն կտա դիտարկել ձեր ստեղծարար պոտենցիալն ու ստանալ գործիքներ ստեղծարար ունակությունների զարգացման համար: 

       
    • Սոցիալական նորարարություն URL

      Մարինա Մխիթարյան, ԿոլբաԼաբ

      Վերջին ժամանակներում հաճախ ենք լսում սոցիալական նորարարություն, համայնքային մասնակցային զարգացում, սոցիալական տրանսֆորմացիա եզրույթները: Ի՞նչ է սոցիալական նորարարությունը: Ի՞նչ գործառույթ է այն իրականացնում համայնքի և հասարակական զարգացման մեջ: Ինչպե՞ս են մարդակենտրոն մոտեցումները կիրառվում սոցիալական ոլորտում, զարգացման կազմակերպություններում, կառավարությունում: Ո՞րն է սոցիալական նորարարության դերը համայնքային զարգացման, քաղաքացիական մասնակցության և ձեռներեցության խթանման մեջ: Դիտեք Բուն TV-ի տեսանյութն այս թեմայով և մտածեք սոցիալական ձեռներեցության և սոցիալական նորարարության կապի մասին:

    • 5. Միջազգային և հայկական լավագույն փորձը 

      Այս ենթաբաժնում ներկայացվում են միջազգային և հայկական ՍՁ-երի հաջողված օրինակներ, միջազգային հայտնի սոցիալական ձեռներեցներ, ինչպես նաև բրիտանացի սոցիալական ձեռներեց Սթիվ Փիքի դասախոսությունը սոցիալական ձեռներեցության վերաբերյալ:



    • Ինքնաստուգման հարցաշար

  • Բիզնես մոդելի մշակում

    Այս բաժինը կօգնի ձեզ մշակել ձեր բիզնես գաղափարը` օգտագործելով բիզնես մոդելի կտավը, ինչպես նաև կտրամադրի այն գիտելիքներն ու գործիքները, որ անհրաժեշտ են ձեր ստարտափ գաղափարի ֆինանսական պլանավորման, դրամական միջոցների հոսքերի կանխատեսման, ռիսկերի գնահատման, ձեր ձեռնարկության մարքեթինգի, վաճառքի իրականացման և որակի կառավարման ոլորտներում:

    • 1. Բիզնես մոդելի կտավ

      Այս ենթաբաժնում ներկայացված են նյութեր, որոնք կօգնեն բիզնես գաղափարի զարգացման, մշակման, պլանավորման գործում: Բիզնեսի պլանավորման տարբեր մոտեցումներ և գործիքներ կան. սույն ուսուցանման շրջանակներում առաջարկում ենք ծանոթանալ բիզնեսի պլանավորման կտավ մոդելի հետ:

    • Բիզնես մոդել- տեսական նյութ Book

      Բիզնեսի պլանավորման տարբեր մոտեցումներ և գործիքներ կան. սույն ուսուցանման շրջանակներում առաջարկում ենք ծանոթանալ բիզնեսի պլանավորման կտավ մոդելի հետ:

    • 1.1. Ֆինանսական պլանավորում և դրամական միջոցների հոսքերի կանխատեսում

      Այս ենթաբաժնում կարող եք գտնել ձեռնարկատիրական գործունեության համար անհրաժեշտ որոշ ֆինանսական փաստաթղթերի ցանկն ու ներկայացումը, դրանց լրացման վերաբերյալ հուշումները և բացատրությունները, աշխատանքային ձևաչափերը, դրանց դերը բիզնես պլանավորման մեջ:

    • 2. Քրաուդֆանդինգ

      Այս բաժնում կներկայացնենք ձեր բիզնես գաղափարի իրականացման համար անհրաժեշտ ֆոնդհայթայթման այլընտրանքային մի համակարգ՝ քրաուդֆանդինգը:

    • Քրաուդֆանդինգ Book

      Քրաուդֆանդինգային հարթակներում նախագիծ գործարկելը դեռևս երաշխավորված չէ հաջողության: Քրաուդֆանդինգի միջոցով հաջողության հասնելու համար կարևոր է ամեն ինչ: Այստեղ կներկայացնենք 11 խորհուրդներ, որոնք կօգնեն լավ նախապատրաստվել Ձեր քրաուդֆանդինգային արշավին:

       

    • 3. Մարքեթինգ և վաճառք 

      Այս ենթաբաժնում կգտնեք մարքեթինգ հասկացության սահմանումը, կծանոթանաք դրա հիմնական գործառույթներին և կառավարման գործընթացին, կիմանաք սոցիալական մարքեթինգի առանձնահատկությունների մասին, ինչպես նաև կբացահայտեք ինտերնետային մարքեթինգի դերն ու նշանակությունը ժամանակակից բիզնեսի աշխարհում: Ենթաբաժնի վերջին հատվածում կներկայացվեն վաճառքի և հաճախորդների հետ հարաբերությունների կառավարման կարևորագույն կետերը, որ պետք է հաշվի առնել անկախ նախատեսվող բիզնես գաղափարի ոլորտից և մասշտաբից:

    • Մարքեթինգ Book

      Մարքեթինգային գործունեության նպատակն է տարբեր շուկաներում հասնել վաճառքի բարձր մակարդակի, սակայն սոցիալական ձեռնարկատիրության մեջ մարքեթինգը իր առջև դնում է նաև սոցիալական պատասխանատվության ձևավորման նպատակ, որի արդյունքում մարդկանց մոտ սոցիալական ծրագրերին մասնակցությունը դիտվում է որպես բավարարված պահանջմունք, ուստի և այն հանդես է գալիս որպես առանձին ապրանք: Այս բաժինը ներկայացնում է մարքեթինգային գործունեությունը և դրա կառավարման գործընթացը:

    • Սոցիալական մարքեթինգ Book

      Սոցիալական մարքեթինգը նպատակ ունի, ինտեգրելով մարքեթինգային հասկացությունները, ազդել անհատների և հասարակության խմբերի վարքագծի վրա այնպես, որ դա բերի ընդհանուր հասարակության բարելավմանը։  Այստեղ կներկայացվեն սոցիալական մարքեթինգի առանձնահատկությունները, դրա նմանություններն ու տարբերությունը կոմերցիոն մարքեթինգից, ինչպես նաև կներկայացվեն սոցիալական մարքեթինգի պլանավորման փուլերը:

    • Ինտերնետային մարքեթինգ Book

      Ինչպես ասել է Մայկրոսոֆթ ընկերության հիմնադիր Բիլ Գեյթսը, եթե ձեր բիզնեսը ինտերնետային աշխարհում չկա, ապա այն չի լինի նաև բիզնեսի աշխարհում։ Այստեղ կներկայացնենք ինտերնետային մարքեթինգի 4 սկզբունքներ, որոնք կօգնեն ձեզ հաջողությամբ օգտագործել անհրաժեշտ գործիքներն ու հասնել հաջողության։ 

    • Վաճառքի կառավարում Book

      Վաճառքի արդյունավետ կառավարումը հանդիսանում է ցանկացած առևտրային գործունեության հաջողության գրավականը:
      Կանդրադառնանք վաճառքի բաժնի կազմակերպմանը, վաճառքի ռազմավարության մշակմանը, պլանավորմանը, կանխատեսմանը, վերահսկմանն ու մոնիթորինգին, ինչպես նաև կծանոթանանք կիրառական պրոցեսներին, ինչպիսին են վաճառքի ուղիների և թիմի ակտիվացումը, ադմինիստրացիան և հետազոտությունները, վաճառքի վերլուծությունը և վաճառքի ՛՛դաշտային՛՛ թիմի հետ աշխատանքի գործողությունների պլանը:

    • 2. Ռիսկերի գնահատում

      Բոլոր ընկերություններն իրենց գործունեության ընթացքում հանդիպում են ռիսկերի: Այս ենթաբաժինը ներկայացնում է ռիսկերի ընդհանուր բնութագիրը, ռիսկերի տեսակները, դրանցից խուսաելու միջոցները և նվազեցման/չեզոքացման մեթոդները: 

       

    • Ռիսկերի կառավարում Book

      Բոլոր տնտեսվարողները իրենց գործունեությունում հանդիպում են ռիսկերի: Ռիսկն ընկած է բոլոր կառավարչական որոշումների հիմքում: Այստեղ կներկայացնենք հնարավոր ռիսկերի տարբեր տեսակներն ու դրանցից խուսափելու մեթոդները: 

    • 3. Որակի կառավարում

      Ինչպիսին էլ լինի ձեր ձեռնարկատիրական գործունեությունը կարևոր է, որպեսզի այն ներկայացնի բարձր օգտակարությամբ օժտված և սպառողների պահանջները բավարարող արտադրանք: Այս ենթաբաժինը կծանոթացնի ձեզ որակի կառավարման գործընթացի, դրա ժամանակակից մոդելների և հիմնական գործիքների հետ:

    • Որակի կառավարում Book

      Այստեղ կներկայացնենք, թե ինչ է որակը, որոնք են դրա կառավարման ժամանակակից կոնցեպցիաներն ու մոդելները, ինչպես նաև կներկայացնենք որակի կառավարման մի քանի գործիքներ:

    • 4. Հանրային կապերը՝ որպես ձեռնարկության առաջխաղացման գործիք

      Այս ենթաբաժնում հնարավորություն կունենաք ծանթանալ ԶԼՄ-ների հետ աշխատանքի հիմնական կանոններին և ձեր բիզնեսի, ծրագրի, զարգացումների մասին տեղեկատվության տարածման, հանրայնացման գործիքներին: Այստեղ ներկայացված են մամլո հաղորդագրություններ գրելու հուշումները և հաջողված հաղորդագրության օրինակ: Նյութը պատմում է, թե ինչպես արդյունավետ կապ հաստատել լրատվամիջոցների հետ, ինչպես և որտեղ տարածել տեղեկատվությունը, ինչ տեղեկատվություն պետք է տարածվի, և այլն:  

    • Լրատվամիջոցների հետ աշխատանքի կազմակերպում՝ ի շահ ձեր բիզնեսի Book

      Զանգվածային լրատվամիջոցների (ԶԼՄ) հետ կազմակերպության համակարգված աշխատանքը հաջողակ և արդյունավետ գործունեության անքակտելի մասնիկն է: Այստեղ կներկայացնենք ԶԼՄ-ների հետ աշխատանքի հիմնական առանձնահատկությունները:

    • Ինչպես գրել մամուլի հաղորդագրություն Book

      Մամուլի հաղորդագրությունը կազմակերպության և լրատվամիջոցների հաղորդակցության ամենատարածված գործիքներից մեկն է: Այստեղ կներկայացնենք, թե ինչպես գրել և տարածել մամուլի հաղորդագրություններ: 


    • Ինքնաստուգման հարցաշար

  • Աճ և զարգացում

    Այս բաժնում ներկայացված նյութերը պատմում են սոցիալական ազդեցության գնահատման և չափման մոտեցումների և գործիքների մասին, ներկայացնում են ֆինանսական ներդրումներ հայթայթելու ուղիներ, մեթոդներ և մեխանիզմներ:

  • Հավելյալ նյութեր

    Այս բաժնում ձեզ ենք ներկայացնում ՍՁ ոլորտին առնչվող տարբեր նյութեր ու տեղեկատվություն:

    • Սթիվ Փիքը՝ սոցիալական ձեռներեցության մասին

      Դիտեք տեսանյութ՝ բրիտանացի սոցիալական ձեռներեց Սթիվ Փիքի մասնակցությամբ: Հայաստան կատարած իր այցի ժամանակ նա սիրով համաձայնեց կիսվել իր հարուստ փորձով մեր դասընթացի մասնակիցների հետ: Տեսանյութը բաղակացած է 5 մասից, որոնցից յուրաքանչյուրում Փիքը անդրադառնում է սոցիալական ձեռներեցության ոլորտում որևէ առանձին թեմայի:

    • Մաս 1

      Տեսանյութի այս մասում Սթիվ Փիքը պատմում է, թե ինչպես է սկսել զբաղվել սոցիալական ձեռներեցությամբ, ինչպիսի դժվարությունների է բախվել, ինչպես է դրանք հաղթահարել և թե ինչ գործունեությամբ է հանդես գալիս ներկայում:

    • Մաս 2

      Այս մասում Փիքը ներկայացնում է, թե ինչ է սոցիալական ձեռներեցությունը, ինչ կառուցվածք այն ունի և ինչպիսի սկզբունքներով է առաջնորդվում:


    • Մաս 3

      Այս մասում խոսվում է սոցիալական ձեռներեցությամբ զբաղվելու մոտիվացիայի մասին:


    • Մաս 4

      Այս մասում ներկայացվում է սոցիալական ձեռներեցության նախագծերի մշակման գործընթացը:

    • Մաս 5
      Տեսանյութի վերջին մասում Փիքը խոսում է սոցիալական ձեռնարկությունների ֆինանսներին վերաբերվող խնդիրների մասին:


    • Թիմ Բրաուն, Ստեղծարարություն և խաղ - (անգլերեն՝ ռուսերեն ենթատեքստով) URL

      Թիմ Բրաունը IDEO  ՙՙնորարարություն և նախագծում՚՚  կազմակերպության գործադիր տնօրենն է: 2008թ.-ի Serious Play կոնֆերանսի ժամանակ նա խոսեց ստեղծագործական մտածելակերպի և խաղի միջև առկա հզոր փոխկապակցվածության մասին:

    • Հանս Ռոսլինգի ԹԵԴ դասախոսությունը - (անգլերեն՝ ռուսերեն ենթատեքստով) URL

      Ռոսլինգը համաշխարհային առողջապահության փորձագետ է և տվյալների տեսանող: Նրա ԹԵԴ դասախոսությունը Հազարամյակի Զարգացման Նպատակների իրագործման համաշխարհային վիճակագրության մասին է: 

      Եթե հետաքրքրեց, ապա Ռոսլինգի այլ տեսանյութերը կարող եք դիտել Gapminder-ում:

    • Մայքլ Գրինի ԹԵԴ դասախոսություն - (անգլերեն՝ ռուսերեն ենթատեքստով) URL

      Գրինը սոցիալական առաջընթացի փորձագետ է: Իր թիմակիցների հետ միասին նա հիմնել է Սոցիալական առաջընթացի ցուցանիշը, որն այն ստանդարտն է, ինչի օգնությամբ դասակարգվում են հասարակությունները՝ ըստ քաղաքացիների կարիքների ապահովման աստիճանի: